De Tempo al Tempo

Cent Tagoj

Sun, 13 Apr 2008 21:58:36 GMT

La vivo prezentos multe da decidoj. Kiel oni povas scii kiu vojo estas pli bona? Simple prokrastu, kaj sorto elektos. Tiam vi scios ke tiu opcio estas la plej malbona.
;-)

Mi prokrastis antaŭ pli ol kvin jaroj. Kiam mi revenis al Viskonsino, mi akceptis la unuan dung-oferton simple por stabiligi la hejman vivon por mia edzino. La salajro estis malalta kaj la laborejo estis iom kruda. Ekzemple, malgraŭ oni devus veturi kvin mejlojn ĝis la plej proksima restoracio, la kompanio ne eĉ havas manĝoĉambron. Ĉiu manĝas kie ajn si povas.

Nun, je cent tagoj post mia liberiĝo, ... nun mi konsideras aliajn laborojn.

Long-tempe mi sopiris reveni al laboro por ŝanĝi la mondon. Eble baldaŭ mi trovos ĝin!

Mi tre ekscitiĝas pri nova kontakto kun loka kompanio. Mi miris ke tia kompanio eĉ ekzistis en mia regiono. La kuniĝo de eventoj estas nekredebla! Unue, mi decidis iri al prelego por membroj de la IEEE (Instituto de Elektraj kaj Elektronaj Inĝenieroj) pri Venta Energio. Post tio, dungisto kontaktis min pri pozicio ĉe la sama kompanio de tiu, kiu prelegos. Ne nur pri ventenergio sed ankaŭ pri "superkonduktiloj"! Mi scias ke tiuj teknikoj iam anstataŭos la krudajn metodojn de motoroj kiuj bruligas benzinon.

Do mi ĉesis funebri pri mia malgeedziĝo kaj mi akceptis la inviton de la dungisto por intervjuiĝi. Mi esploras tiun kompanion kaj ventenergion, kaj mi esperas ke mi povos trovi laboron tie.

Sed eĉ se ne... mi almenaŭ havos bonan temon por prelego por la Esperanto-Societo de Chikago. ;)

TutAmerika Kongreso de Esperanto (TAKE7)

Tue, 08 Apr 2008 04:55:06 GMT

Hura! Mi partoprenos TAKE-on ĉe Montrealo! Mi preskaŭ krevas pro anticipado!! Mi veturos tien kun geamikojn, kiujn mi longe volis renkonti persone. Ĝi estos mia unua esperanto-kongreso. :)

Bedaŭre, mi devas atendi ĝis julio.

De Tempo al Tempo

Sat, 15 Mar 2008 17:16:03 GMT

Friponino

Sat, 23 Feb 2008 17:00:23 GMT

Je la komenco de la monato, la korto faris ordonon inter mi kaj mia (baldaŭ-eksa) edzino. Laŭ tiu ordono, mi ne rajtas doni al ŝi monon krom per la konto de la komisiono por infana apogado. Antaŭe, mi donis al ŝi ĉekojn personajn por 33% de mia antaŭ-imposta salajro. Sed la korto prokrastis, do mi ne ricevis la leteron pri tiu konto. Tial mi ne povis doni al ŝi monon dum la lastaj tri semajnoj.

Mia edzino plendis kvazaŭ ŝi mizeris. Ĉu mizere?!? Ŝi havas bankokonton enhvantan dek ok mil dolarojn! En skatolo en ŝia vestoĉambreto ŝi havas oron kaj arĝenton valoratajn je pli ol tri mil dolaroj! Ĉu mizere?!?

Hieraŭ mi aŭdis ke ŝi petis helpon de ŝia eklezio. Tiuj kredemuloj faras kaj portas al ŝi manĝaĵojn ĉiutage, pensantaj ke ŝi ne havas monon por aĉeti manĝaĵon.

Mi planas telefoni ŝian pastron por informi lin pri la reala situacio.

Mi Loĝas Sole.

Mon, 18 Feb 2008 02:17:08 GMT

Nu, mi nun loĝas sole... kaj feliĉe.

Foje mi sentas kulpinda, ĉar mi malmulte sopiras mian familion. Sed ŝajnas ke ili fartas bone sen mi, speciale mia filino. :( Ŝi estas tro religiema. Mi zorgas pri ŝia feliĉeco ĉar la reala mondo ne sekvas la regulojn de ŝia rigidega kredo. Miaj filoj estas pli flekseblaj.

Do nun mi havas apartamenton kun du dormoĉambroj. Mi ekipis ĉion; la centra ĉambro, la kuirejo kaj la du necesejoj. Mi aĉetis LITON kaj kovrilojn... do mi ne plu dormas surplanke. Mi eĉ aĉetis tekokomputilon kion mi uzas ambaŭe kiel komputilo kaj kiel televidilo. Miaj gepatroj trovis por mi senkostajn meblojn por la centra ĉambro: divano, tabloj kaj seĝoj. Se mi aĉetus alian liton por la dua dormoĉambro, eble mi abonus al la Pasporta Servo!

Mi membriĝis al atleta klubo por ekzerci po tri fojoj semajne. Mi manĝas sanigajn manĝaĵojn. Ĉiusabate mi vidas miajn gefilojn, aŭ ĉe ilia hejmo aŭ ĉe la mia. Kaj neniu vekas min meznokte kun akuzado.

La malgeedziĝa proceso daŭras minimume 120 tagoj, laŭ la leĝo. Jam pasis ses semajnoj, la duono. Espereble la malgeedziĝo finiĝos je aprilo.

Mi scias ke ĉi tio rezultos pli bone ol disputado ĝis la morto. Pli bone por mi, por mia edzino, kaj por niaj gefiloj.

Fino kaj Komenco

Sun, 30 Dec 2007 22:07:59 GMT

Hodiaux mi informis mian edzinon kaj miajn gefilojn ke mi translogxigxos. Malgeedzigxo probable sekvos baldaux.

Longa batalo finigxas. Espereble, nova vivo komencigxas.

Kion sxi celas?

Mon, 08 Oct 2007 20:28:35 GMT

Laste, mia edzino diris ke sxi volas visxi Linukson for de niaj komputiloj. Sxi diris ke ni devas acxeti cxion programon kaj tute ne uzu liberajn programojn.

Kion sxi celas? Cxu sxi konscie provas kontrauxi miajn idealojn?

Eble sxi volas ofendi min por montri al mi kiel sxi mem sentis?

Aux eble sxi nur volas ofendi min. :(

Stanislav Petrov Day

Wed, 26 Sep 2007 10:58:21 GMT

Twenty-four years ago, in the early morning hours of Sept. 26th, one man decided not to start a nuclear war.
He was reprimanded and demoted, of course.

Antaux dudek kvar jaroj, dum la frumatenaj horoj de la 26a de septembro, unu viro decidis ke li ne iniciatu atoman militon.
Li estis riprocxita kaj malplirangita, kompreneble.

Stanislav Petrov

Benzinopumpilo sen Interreto

Fri, 25 May 2007 16:24:50 GMT

Antaux dek kvin jaroj, mi diris al mia direktoro ke la interreto igxos komuna kiel la telefono. Sxajnas ke mi subkvante divenis la veron.

Cxi-matene, la benzina pumpilo petis mian pardonon pro manko de interreta konekto cxar gxi ne povis raporti al mi la kuponajn poentojn. (Foje mi meritas tason da kafo senpage.)

Tio memorigas min pri la citajxo de Alexander Graham Bell (inventanto de la telefono), kiu diris, "Eble iam je la distanca estonteco, cxiu vilagxo havos telefonon!"

Datreveno de la Unua Kiso

Tue, 01 May 2007 14:49:53 GMT

Hodiaŭ estas la 21-jara datreveno de la unua kiso inter mi kaj mia edzino. Jen la historieto.

Tiam, mi konis Bonnie antaŭ du semajnoj kaj ŝi imponis min per ŝia menso kaj ŝia beleco. Do mi invitis ŝin por promeni ĉe parko kaj spekti komedian filmon.

Dum la promenado, ni lasis la padon kaj mi oferis mian manon por helpi ŝin dum ni grimpis deklivon... kaj poste ni daŭre tenis unu la alian manon. Mi memoras nenion el nia konversacio tiama sed mi ja memoras kiel soris mia koro.

Dum la filmo, sub kovro de mallumo, ŝi karesis mian manon sugeste. Mi estis tiom naiva, ke mi ne eĉ komprenis ŝian karesadon de mia dikfingro sed mi ekscitiĝis senkomprene.

Post la filmo, ni promenis al ŝia aŭto kaj ĵus kiam ni adiaŭus, ŝi subite kisetis min... kaj kisis min denove... kaj denove!

Jen la signo, kion mi atendis! Mi kredis ke Dio respondis al miaj preĝoj, kaj ke Li sendis al mi iun, kiun mi povas ami. Eble tiel, sed dioj ofte ŝercas kruele. Mi forgesis peti ankaŭ ke ŝi amu min.

Ĉi-matene, kiam mi vestiĝis por iri al laboro, mi rimarkis ke mia edzino spektis min. Do mi milde salutis ŝin kaj kisetis ŝian kovrilokaŝitan vizaĝon.

"Bonan matenon. Ĉu vi scias kiun tago ĉi tiu estas?" mi demandis.

"Malbona tago" ŝi respondis.

"Ne, la vetero pliboniĝos baldaŭ. La suno brilos kaj la vento varmiĝos," diris mi, "kaj hodiaŭ estas datreveno. Antaŭ dudek unu jaroj estis nia unua kiso."

"Mi scias," ŝi respondis. "Tiu estis la plej malbona tago de mia tuta vivo."

Mi konstruas tubarfluton

Fri, 02 Feb 2007 20:37:09 GMT

Antaŭ longa tempo, mi faris muzikilojn ofte. Lastatempe, ne tiom ofte. Do nun mi tre ĝojas ĉar mi faras novan instrumenton: "tubarfluto".

Mi trovis artikolon pri ĝi en la Vikipedio, sed tiu malplaĉas al mi ĉar ĝi estis nomita "Pajnoŝalmo". Ĉi tiu instrumento certe ne estas ŝalmo. Ĝi estas fluto. Kaj kiu difektis la nomon de la mita Pan? Anstataŭe, mi nomigas mian muzikilon "tubarfluto" ĉar ĝi estas fluto konstruita kiel aro da tuboj.

Mi faras ĝin por kvintona skalo. Ĉi tiu nur havos tiuj kvin notoj, nur por amuzado.

Mi ankaŭ planas konstrui novan specon de muzikilo. Ĝi similas al tubarfluto, sed mi aldonos filmokovritajn truojn, same kiel ĉina fluto "dici". Mi ĵus elpensis la ideon hieraŭ. Mi ja scivolas, kiel ĝi sonos?

Ne-*-ismo

Thu, 25 Jan 2007 20:41:27 GMT

La sensaĝulo diris en sia koro: Tor ne ekzistas.

Ĉu vi estas ne-Tor-ismano?
Ĉiu estas ia "ateisto" pri aliaj kredoj.

Ĝenerala ateisto simple estas homo kiu ne kredas je iu fikcia dio.

Kiel vi opinias?

Mon, 15 Jan 2007 16:54:14 GMT

Antaŭ multaj semajnoj, mi aŭdis kristana pastro predikanta kaj li uzis ĉi tiun historion...

Du malsanuloj kuŝis en hospitalo. Iliaj litoj estis ĉe kontraŭaj flankoj de la ĉambro tiel, ke unu viro povis vidi tra la fenestro sed la alia ne. Ili restis tie longotempe. Ĉiutage, la viro apud la fenestro priskribis kion li vidis ekstere por feliĉigi la aliulon. Verdan parkon, arbojn, junajn gepromenantojn, eĉ mult-koloran paradon li priskribis detale.

La viro for de la fenestro ŝatis tiojn priskribojn sed li deziris vidi tra la fenestro por vi mem. "Kial li rajtas vidi ĉion sed mi nenion?" Ĵaluzo kreskis kaj li komencis malami la homo ĉe la fenestro.

Post iom da tempo, tiu ĉe le fenestro iĝis pli malsana. Li tusadis kaj spiris labore. Iu nokto, silenco interrompis la tusadon kaj la aliulo sciis ke la viro ĉe la fenestro ekĉesis spirante. Li ne vokis la flegistinon. Li nur aŭskultis ĝis li aŭdis tremon, kaj tiam silenton.

Li atendis dum kelkaj tagoj por ne ŝajni tro malĝentila, tiam li petis ke oni movu lian liton al la fenestro. Kiam li rigardis, tiam li vidis ke ekster la fenestro, nur du metroj for, estis sentrajta brika muro. Nenio alia.

Ĉiu konsentus ke la ĵaluza viro agis malbone, sed kio pri la fabelanto? Ĉu li rajtus rakonti tiajn fabelojn? Kiel la historio finiĝus se ili ambaŭ saniĝis? Ĉu la ĵaluza viro tiam dankus la mensoganton?

Ĉu la mensoganto ĉe la fenestro vere plibonigis la vivon de lia samĉambrano?

Kiel vi opinias?

Mi kantis "La Esperon"

Tue, 19 Dec 2006 21:49:06 GMT

Je dimanĉo, mi iris al Ĉikago por partopreni la Zamenhofan bankedon kun la Esperanto-Societo de Ĉikago. Mi neniam antaŭe ĉeestis kun tiom multe da esperantistoj... eble pli ol dudek. Kompreneble dum la programo, ni kantis la himnon de Esperanto, "La Espero". Mi ne tute kredas je la fina venko, sed tia frateco ja logas min.

Tiaj Gehomoj

Wed, 13 Dec 2006 20:21:30 GMT

"Se vi lernus paroli la loĵbanon, via komunikado estus tute specifa kaj logika."

"Jes, sed ĝi ĉio estus kun tiaj gehomoj, kiuj lernas la loĵbanon."

Oni povas diri ion saman ankaŭ pri Esperanto krom mi ja volas komuniki kun tiaj gehomoj, kiuj lernas Esperanton. :-)

Ŝerco: "La Specimeno"

Thu, 09 Nov 2006 17:28:32 GMT

Edzo kaj edzino vekiĝis matene kaj la edzino plendis ke ŝi malsanis. "Kion mi faros?" demandis ŝi. Li respondis, "Mi ne scias medicinon. Telefonu kuraciston kaj aŭskultu kion li diros." Tiam la edzo iris al laborejo.

Kiam li revenis, li trovis lian edzinon terure batata! "Diable! Kio okazis al vi?"

"Nu," diris ŝi, "mi telefonis la kuraciston kiel vi konsilis. Li estis tro okupita por vidi min hodiaŭ do li ordonis ke mi trovu boteleton kaj donu al li specimenon. Nu, mi ne sciis kio estas 'specimeno', do mi iris por demandi de nia aĉa najbarino."

"Mi diris al ŝi ke la kuracisto volas havi specimenon. Mi montris al ŝi la boteleto kaj demandis, 'Kion mi devas fari kun ĉi tio?' Nu, ŝi rigardis min rekte je la okulo kaj diris, 'Pisu en vian botelon.' Fia virino! Do mi kriis, 'Feku en vian ĉapelon!' 'Forfikiĝu,' ŝi respondis kaj la batalo komencis!"

Felicxan "Stanislav Petrov Tagon"

Wed, 27 Sep 2006 21:15:09 GMT

Antaŭ dudek tri jaroj,
unu homo decidis ne detrui la mondon.
Li estis admonita, kompreneble.

http://eo.wikipedia.org/wiki/Stanislav_Petrov

Twenty-three years ago,
one man decided not to destroy the world.
He was reprimanded, of course.

http://en.wikipedia.org/wiki/Stanislav_Petrov

Esperante

Wed, 26 Jul 2006 20:44:55 GMT

Mi ja esperas ke mi havos interesindan materialon por skribi en ĉi tiun blogon.